Subhodayam

Telugu News updates , Andhra Pradesh News, Telangana News, Latest News in Telugu, Telugu news today

పాక్‌కు మరోసారి ఝలక్ ఇచ్చిన అగ్రరాజ్యం అమెరికా

 

America Shock to Pakisthan

 

పాకిస్థాన్ కు అగ్రరాజ్యం అమెరికా మరోసారి షాక్ ఇచ్చింది. పాకిస్థాన్ కు ఇప్పటివరకూ అందజేస్తున్న సాయంలో రూ.3,130 కోట్లు కోత పెట్టింది. జమ్మూకశ్మీర్ సమస్య విషయంలో అమెరికా తమకు మద్దతు ఇస్తుందని పాక్ కలలు కంటున్న వేళ అగ్రరాజ్యం తీసుకున్న నిర్ణయం దాయాది దేశానికి పుండు మీద కారం చల్లినట్టయింది. 2010లో కుదిరిన పెపా ఒప్పందం కింద రాబోయే ఐదేళ్ల కాలానికి రూ.53,356 కోట్లు ఇవ్వాలని అమెరికా నిర్ణయించింది.

 

తాజాగా అందులో రూ.3,130 కోట్ల మేర కోత పెడుతూ నిర్ణయం తీసుకుంది. అమెరికా పాకిస్థాన్ పై సాయాన్ని ఆపేయడం ఇదే మొదటిసారి కాదు. గతేడాది సెప్టెంబర్ లో ఉగ్రవాదుల ఏరివేతపై పాక్ నిజాయితీగా వ్యవహరించడం లేదంటూ రూ.2,134 కోట్ల సైనిక సాయాన్ని నిలిపివేస్తూ అమెరికా నిర్ణయం తీసుకుంది. హక్కానీ ఉగ్రవాద నెట్ వర్క్ ను విచ్ఛిన్నం చేయడంలో విఫలమయ్యారంటూ ఈ ఏడాది జనవరిలో మరో రూ.7,114 కోట్ల సాయాన్ని ఆపేస్తున్నట్లు ప్రకటించింది.

ఎప్పటికప్పుడు తాజా వార్తలకోసం Allow బటన్ పై క్లిక్ చేయండి 

error: నమస్కారం!